Selektori i Kombëtarës së Kosovës Albert Bunjaku ka zgjedhur qytetin e Drenasit për stërvitjen e parë, para ndeshjes ndaj Kroacisë. Ndërkaq gjatë kësaj stërvitje Kryetari i Parlamentit të Kosovës, Kadri Veseli ka vizituar Kombëtaren e Kosovës, ku u premtoi nga 100 mijë euro, në rast se këta të fundit arrijnë që të kualifikohen në Kampionatin Botëror ‘Rusia 2018, transmeton Drenica Press.
Ai po ashtu tregoi se si lojtarët ishin entuziast dhe se ai do të përkrah Kombëtaren nga Loro Boriqci.
“Sot në Drenas kalova çaste të veçanta me lojtaret e përfaqësueses sonë të futbollit gjatë stërvitjes së tyre. Me këtë rast, konfirmova shpërblimin prej 100 mijë euro për secilin pjesëtar të reprezentacionit nëse arrijmë të kualifikohemi në Kampionatin Botëror. Lojtaret ishin entuziastë për lojën ndaj Kroacisë, ndërsa unë bashkë me mijëra tifozë do t’i përcjellim dhe do t’iu japim përkrahje në stadiumin “Loro Boriçi” në Shkodër”, ka shkruar Veseli në Facebook.
