Komandanti Suprem i Forcave Aleate për Evropë (SACEUR), Gjeneral Curtis M. Scaparrotti, ka thënë se transformimi i FSK-së në ushtri është e drejtë e Kosovës, por sipas tij, FSK-ja edhe në këtë formë është profesionale dhe e aftë për të vazhduar punën në bazë të mandatit që ka.
Gjenerali i NATO-s që ka ardhur në Kosovë për një vizitë zyrtare, ka thënë se rreziku më i madh që i kanoset Kosovës është që të largohet nga rruga e rezolutës 1244 dhe të heq dorë nga dialogu për normalizimin e marrëdhënieve me Serbinë, transmeton Koha.net.
Ai ka përsëritur fjalët e sekretarit të NATO-s, Jens Stoltenberg, se stabiliteti i Ballkanit është rol kyç në stabilitetin e Europës.
