Gjykata Supreme nesër pritet ta japë verdiktin përfundimtar në rastin Drenica, lidhur me akuzat për krime lufte të bëra nga Sami Lushtaku, së bashku me disa nga bashkëluftëtarët e tij.
Sipas aktakuzës Lushtaku së bashku me disa persona të tjerë kanë bërë krime lufte ndaj popullatës civile gjatë luftës së vitit 1999.
Avokati i Sami Lushtakut, Arianit Koci tha për Tribuna Channel se nesër përfundimisht do të shpallet pafajësia e tij, duke u liruar nga të gjitha akuzat, pasi që sipas tij nuk ka asnjë element të vogël që të mos lirohet nga të gjitha akuzat
Koci shprehu kritikat e tij ndaj sistemit gjyqësor që sipas tij Lushtakun e kanë dënuar për një vrasje gjatë periudhës së luftës, por identiteti i viktimës ende nuk dihet.
