Klubi i Volejbollit per femra “Skenderaj” ka fituar Kupën e Kosovë, pasi në finale ka mposhtur KV “Prishtina&M-Teknology” me rezultat 3:1, duke shkëlqyer në të gjitha setet.
Vlen të theksohet fakti se në KV “Skenderaj” të gjitha volejbollistet janë nga komuna jonë, derisa kundërshtari i finales ka bërë përforcime edhe nga Brazili, si dhe nga Shqipëria, shtoja këtu edhe aspektin financiar të KV “Prishtina&M-Teknology”, që është më i mirë sesa ekipi ynë.
Lidhur me suksesin e vashave nga Skenderaj ka reaguar edhe kryetari i Komunën, Bekim Jashari.
Në një postim në llogarinë e tij në facebook kryetari Jashari, ka shkruar:
“Kupa e Kosovës në Skenderaj e ka vendin!
Të bëhet zemra mal kur sheh se vashat tona nga Klubi i Volejbollit “Skenderaj”, ngrisin trofeun e çmuar të volejbollit, Kupën e Kosovës.
Përgëzime për suksesin, për volejbollistet, për ekipin, trajnerin, stafin teknik dhe të gjithë tifozërinë “Shqiponjat e Zeza”.
Urime Skenderaj!”.
