Kryeshefi i Postës dhe Telekomit të Kosovës, Sejdi Hoxha ka marrë sot besimin e delegatëve të PDK-së në Drenas që të udhëheqë me degën e kësaj partie në këtë qytet.
Pasuria e Sejdi Hoxhës nuk duket e vogël.
Në deklarimin e pasurisë për vitin e kaluar si kryeshef i Postës, në familjen e Sejdi Hoxhës posedojnë 3 vetura.
Vet Sejdi Hoxha posedon një veturë me vlerë prej 16 mijë euro, vetura e bashkshortes së tij kap vlerën e 11 mijë euro si dhe vetura e fundit është në pronësi të prindit të tij me vlerë prej 7 mijë euro.
Hoxha ka deklaruar se në pronësi të familjes kanë edhe një shtëpi me vlerë prej 120 mijë euro. Hoxha gjithashtu është pronar edhe i një banese me vlerë prej 88 mijë euro, raporton Kallxo.com.
Ndërsa nën pronësi të prindit të tij ka edhe 2 hektarë tokë që kapin vlerën e 100 mijë eurove.
Sejdi Hoxha posedon rreth 32 mijë euro para të gatshme në bankë. Të gjithë këto para janë nën pronësinë e tij.
Deri më tash si kreyshef i postës së Kosovës, Sejdi Hoxha ka marrë pagë brenda vitit më shumë se 30 mijë euro
Përveç që deri tani ka marrë pagë nga Posta e Kosovës, ai është edhe ligjërues në Universitetin e Shkencave të Aplikuara ku merr 5 mijë e 369 euro brenda vitit.
Sejdi Hoxha u zgjedh kryetar i degës së PDK-së në Drenas gjatë ditës së sotme, ku fitoi më shumë vota se kundërkandidati i tij, Naim Bazaj.
Këtu mund ta shikoni deklarimin e pasurisë së Sejdi Hoxhës.
