Aleanca për Ardhmërinë e Kosovës, përmes një njoftimi të lëshuar për media ka njoftuar për takimin që sot ka pasur lideri i AAK-së, Ramush Haradinaj me atë të LDK-së, Isa Mustafa.
Sipas njoftimit të lëshuar për media, thuhet se dy liderëtjanë pajtuar që pas shkarkimit të qeverisë Kurti, vendit i nevojitet një qeveri e re, raporton Gazeta Blic.
Njoftimi i plotë:
Sot, kryetari i Aleancës për Ardhmërinë e Kosovës, Ramush Haradinaj, me ftesë të kryetarit të Lidhjes Demokratike të Kosovës, Isa Mustafën, kanë zhvilluar një takim pune për të diskutuar gjetjen e rrugës për të dalë nga kriza institucionale.
Gjatë takimit është konstatuar se Kosova si demokraci e konsoliduar dhe Republikë parlamentare, brenda rregullave kushtetuese duhet të gjej zgjidhje, për të mos lejuar vakuum institucional.
Gjithashtu, kryetari i AAK-së, z. Haradinaj, dhe ai i LDK-së, z. Mustafa, u pajtuan se pas shkarkimit të Qeverisë, me mbi 2/3 e votave të deputetëve të Kuvendit, shtetit i duhet Qeveri e re për të siguruar përmbushjen e detyrave shtetërore
