Shumë mjeke shqiptare janë të suksesshme në Zvicër, ku jetojnë dhe veprojnë. Por, shumë prej tyre dëshirojnë që përvojën e fituar në Zvicër, të bartin në vendlindjet e tyre.
Njëra ndër to është edhe Arijana Xhambazi nga Maqedonia, e cila punon në Spitalin e Bernës, Reparti i Mjekësisë Interne.
Ajo në emisionin “Click Plus” në “Televizionin 21” është shprehur se dëshira e saj është që të kthehet në vendlindjen e saj dhe të ndihmojë, njerëzit që kanë nevojë, përcjell albinfo.ch.
Xhambazi ka theksuar se shpreson se do të marrë sa më shumë përvojë dhe dije në Zvicër, dhe të jetë e suksesshme.
