Këshilli Gjyqësor i Kosovës (KGJK) ka vendosur të shpallur konkurs për rekrutimin e 15 gjyqtarëve në gjykatat themelore të vendit.
Kryesuesi i KGJK-së, Albert Zogaj tha se konkursi do të jetë i shpallur 15 ditë, raporton “Betimi për Drejtësi“.
Zëvendëskryesuesja Arjeta Sadiku propozoi emrat për anëtarë të komisionit në krye me:
Albert Zogajn- kryesues i KGJK-së;
Besnik Bislimaj- gjyqtar në Gjykatën e Apelit, njëherësh anëtar i KGJK-së,
Arjeta Sadiku- zëvëndëskryesuese,
Mustafë Tahiri- kryetar i Gjykatës Themelore në Ferizaj,
Ivanka Millenoviq- gjyqtare në Gjykatën e Apelit.
Kurse, për anëtarë rezervë u propozuan: Teuta Ibrahimin- anëtare e KGJK-së, si dhe Bekim Veliqi- U.D i kryetarit të Gjykatës Themelore në Mitrovicë.
Me asnjë votë kundër dhe me një abstenim, u miratua ky Komision për rekrutimin e 15 gjyqtarëve të rinj.
Ndërsa, për themelimin e komisionit për shqyrtim të ankesave të kandidatëve për gjyqtarë në Gjykatat Themelore, Zogaj propozoi që të shkohet me anëtarët e komisionit të mëparshëm pra: Muhamet Rexha, Bujar Muzaqi, Mirjeta Shala, Kujtim Pasuli, Fahret Vellija.
Edhe ky propozim u miratua me asnjë votë kundër dhe asnjë abstenim.
