Sot u bënë 72 vjet nga rënia e heroit të madh Shaban Polluzha nga fshati Polluzhë i Skenderajt, transmeton Drenica Press.
Për të nderiuar veprën heroike të Shaban Polluzhës, sot në Prishtinë u mbajt një Akademi Përkujtimore, ku presidenti i Kosovës Hashim Thaçi tha këto fjalë për Shaban Polluzhën.
“Në Akademinë Përkujtimore për 72 vjetorin e rënies së tyre, komandantët Shaban Polluzha dhe Mehmet Gradica i kujtuam me nderimin më të lartë institucional.
Ata ishin një binom i rezistencës së parë, i kryengritjes së parë antikomuniste në Evropën Juglindore. Ishin dy personalitete të moshave të ndryshme që i bashkoi fati i njëjtë, radhitja në anën e popullit të pambrojtur për të cilin nuk kursyen asgjë.
Vetëdija historike e shqiptarëve të Kosovës, në kontekste të ndryshme, ka qenë udhërrëfyes i pagabueshëm për realizimin e synimit shekullor.
Do t’i nderojmë gjithmonë të gjitha figurat që dhanë kontribut për lirinë tonë. HTH”
