Shqipëria është përfshirë ditët e fundit nga temperature të ulta, të cilat kanë shkaktuar situatë të vështirë në shumë akse rruge të vendit.
Për të bërë të mundur mbajtjen hapur të akseve rrugore, Ministria e Transporteve ka vënë në lëvizje të gjitha kompanitë që kanë kontratë kontraktuale për të bërë të mundur hedhjen e kripës.
Ka qenë vetë ministri i Transporteve, Sokol Dervishaj që ka inspektuar rrugën e kombit në orët e vona të ditës së djeshme, ku deklaroi se pavarësisht borës së madhe po bëhet e pamundura për të mbajtur të kalueshme këtë rrugë.
Ndërsa, këshilltari i kreut të Kuvendit, Emiljano Aleksi ka bërë një reagim të fortë në profilin e tij në ‘Facebook’ kundër atyre që hedhin baltë mbi punën që po bëhet në këtë situatë të vështirë.
Duke ironizuar, Aleksi shkruan se ‘nuk do çuditem dhe kur të dëgjojë që po pastrohen rrugët dhe po hidhet kripë vetëm atje ku kalojnë simpatizantët e LSI-së’.
Statusi i plotë:
Është bërë sport kombëtar vetëdenigrimi dhe spekullimi. Të akuzosh nga faqet e facebook-ut dhe mos të ndjekësh nga afër punën e bërë për të ardhur në ndihmë gjithë komunitetit, në limitet e kapaciteteve që disponohen, është dhe e turpshme dhe antikombëtare.
Është shumë e lehtë të shash në grup, pa argument, pa fakt, thjesht për të shprehur pakënaqësinë e paevitueshme nga jeta.
Nuk do çuditem dhe kur të dëgjojë që po pastrohen rrugët dhe po hidhet kripë vetëm atje ku kalojnë simpatizantët e LSI-së
“Të drejtën për çdo ndjenjë njerëzore e kanë vetëm ata që punojnë, Sehirxhinjt akuzojnë” /Gazeta Express/
