Arsimtaren e gjuhës dhe letërsisë shqipe, Fatmire Bogiqi, Zoti e sprovoj me një sëmundje, shërimin e së cilës duhet kërkuar jashtë vendit. Drenica Press mëson se arsimtarja është me prejardhje nga një fshat i komunës së Drenasit dhe është punonjëse në SHFMU “Ibrahim Mazreku” në Malishevë.
Arsimtarja Fatmire duhet t’ju nënshtrohet një intervenimi kirurgjik deri më 25 tetor të këtij muaji, kohë kjo e cila është shumë e kufizuar dhe kostoja e saj kap një shifër prej 25 mijë eurosh.
Ne si portal ju bëjmë thirrje të gjithë njerëzve të vullnetit të mirë, që brenda mundësive të tyre të solidarizohen më arsimtaren, e cila jetën ja kushtoj profesionit më të shenjtë, atë të edukimit dhe arsimimit të gjeneratave të tëra.
Për informata më të detajuara, ju lutem kontaktoni në numrin që gjendet në foton më poshtë. /Drenica Press /
