Shoqata për dëmet e luftës në nivel vendi “Ngritja e Zërit”, të premten mbajti tubim paqësor para Gjykatës Kushtetuese të Kosovës e më pas marshoi drejtë objektit të Qeverisë së Kosovës me moton “Nuk i njohim gjykatat e Beogradit”, “Qasje e viktimave në drejtësinë vendore”, “Jo Traktatit të Paqes pa kompensim dëmi”.
Në emër të shoqatës, drejtori Jahir Bejta, kërkoi nga institucionet kosovare që të merren më seriozisht me kompensimin e dëmeve të luftës dhe në të njëjtën kohë dërgoi edhe një kërkesë me shkrim ku kërkoi drejtësi për luftën dhe viktimat që humbën jetën 17 vjet më parë, njofton Klan Kosova.
