Të flasësh në telefon teksa nget makinën, është një zakon i rrezikshëm, e gjithmonë edhe më i përhapur nëpër botë. Shpesh fenomeni i përdorimit të telefonit ka provokuar edhe aksidente me pasojë vdekje.
Për t’i dhënë fund kësaj praktike me rrezikshmëri të lartë, Ministria e Drejtësisë në Londër ka propozuiar masa drastike.
Një projekt draft që e ka siguruar “Sunday Times” nga zv.ministri i Drejtësisë, konservatori Sam Gyimah, synon ndëshkimin e cdo personi që shkakton vdekjen e një personi tjetër për shkak se përdor telefonin për të folur, për të dërguar mesazh. Në draft propozohet ndërshkimi maksimal, ai i dënimit me burgim të përjetshëm.
Sot qe ne flasim, Kodi Penal në Britani parashikon dënimin 14 vjet burg për këtë lloj krimi, ndërkohë që për sjellje të mirë, del brenda 7 viteve.
Rrezikojnë burgun përjetë edhe ata drejtues mjetesh që provokojnë aksidente me vdekje si pasojë e përdorimit të tepërt të alkoolit.
Në vitin 2015 ishin të paktën 122 persona të dënuar si shkaktarë të aksidenteve me pasojë vdekjen, ndërsa 21 të tjerë për drejtim të makinës nën efektin e alkoolit.
Kërkohet burg përjetë për shoferët që teksa flasin shkaktojnë aksident me vdekje
