Gjatë javës që lamë pas është bërë e ditur se rryma në Ksoovë pritet të shtrenjtohet edhe një herë.
Madje siç theksohet shtrenjtimi pritet të jetë mbi 21%.
E pas gjithë kësaj, Zyra e Rregullatorit për Energji (ZRRE) sot është duke zhvilluar mbledhjen e parë të Bordit për vitin 2026.
Në këtë mbledhje do të diskutohet direkt për kërkesat që janë drejtuar për përcaktimin e të hyrave dhe tarifave si dhe shqyrtimi i caktimit të Furnizuesit të Mundësisë së Fundit.
Ndryshe, operatorët energjetikë në Kosovë siç janë KOSTT, KEDS dhe Kesco kanë kërkuar rritjen e tarifave të energjisë elektrike për vitin 2026.
KESCO ka kërkuar një rritje mbi 20 për qind të tarifave të energjisë elektrike për vitin 2026, duke u thirrur në rritjen e kostove operative dhe nevojën për sigurimin e furnizimit të qëndrueshëm me energji./Lajmi.net/
- Advertisement -
