Ajo ka kohë që nuk iu ka përkushtuar muzikës.
Eliza Hoxha është bërë pjesë e politikës tashmë, duke u regjistruar në Partinë Demokratike të Kosovës.
Këngëtarja shqiptare, e cila njihet edhe për profesionin e saj të arkitekturës, tashmë ka marrë vendimin të kontribuojë në shoqëri duke u bërë pjesë e partisë politike dhe vizionit të saj.
Lajmin e ka bërë të ditur kryetari i Kuvendit, Kadri Veseli, nëpërmjet një postimi në Instagram, ku ka pozuar përkrah këngëtares së njohur:
“Mirë se erdhe në PDK, Eliza. Profesionalizimi dhe dashuria jote për Prishtinën janë vlerë e madhe në Dekadën e Re, ndërsa PDK mbetet hapësira më e mirë për secilin që ka vizion, plan dhe dëshirë për ta ndryshuar vendin. Me ty dhe të tjerët, Dega e PDK-së në Prishtinë i jep Kryeqytetit atë që po i mungon prej kohësh: vullnetin për t’ia zgjidhur problemet”.
Prej kohësh Eliza është mjaft aktive në rrjetet sociale dhe në protestat që ngrihen mbi problematikat e ndjeshme që ka shoqëria.
