Kryeshefja e Inspektoratit Policor të Kosovës, Miradije Kelmendi në raportimin e saj para Komisionit Parlamentar ka konfirmuar se zyrtari policor, Vesel Veseli ka dorëzuar një telefon në të cilin nuk ka qasje në rrjete sociale.
Por, ky mjet komunikim sipas raportimeve nuk është i njëjti nga telefoni i cili raportohet se Vesel Veseli pati të dhëna të mjaftueshme për të zbuluar detaje konkrete për të zbardhur rastin e abuzimit seksual ndaj 16 vjeçares.
Kryeshefja e Inspektoratit, Kelmendi ka bërë të ditur se telefoni i është dhënë policisë pas bastisjeve të kryera në shtëpinë dhe veturën e hetuesit policor.
Ajo ka bërë të ditur se kanë bërë kërkesë edhe nga Posta e Kosovës që të kenë qasje në celularin, i cili është i nevojshëm për hetuesit policorë./Insajderi
