Krahas ankesave të shumta të qytetarëve të Drenicës dhe të Kosovës në përgjithësi lidhur me faturat e larta të cilat po vijën çdo muaj, pakënaqësi të shumta janë shfaqur edhe me ndërprerjet e energjisë elektrike.
Në anën tjetër, kompania KEDS sot përmes një komunikate për medie ka bërë të ditur se ndërprerjet e rrymës do të ndodhin vetëm në raste emergjente, duke bërë të ditur se ka trashëguar një rrjet shumë të vjetër, andaj edhe intervenimi në të, është i domosdoshëm, por nuk ekziston ndonjë mënyrë që mund të intervenohet pa bërë shkyçje të energjisë elektrike.
Ndër të tjera KEDS ka theksuar se do të vazhdojmë të informojmë dhe të raportojmë tek institucionet publike relevante si ZRRE-ja dhe të tjerët, vazhdimisht dhe në mënyrë të detajuar në lidhje me veprimet e ardhshme emergjente që duhet të kryhen.
Edhe një here, shpresojmë në mirëkuptim dhe të kërkojmë falje për çdo shqetësim. Dëshirojmë të ju sigurojmë që ne jemi të përkushtuar për të ofruar shërbimin tonë më të mirë për konsumatorët. /Drenica Press/
