Pati bërë bujë të madhe lajmi i disa muajve më parë, kur kryetari Ramiz Lladrovci ndërpreu punimet në fshatin Komoran për asfaltimin e një rruge.
I pari i Drenasit punimet i kishte ndërprerë me arsyen për cilësinë e dobët të punimeve, duke kushtëzuar punëkryesin që punët të kryen sipas kontratës së nënshkruar.
Por në një rrugë të fshatit Tërstenik janë shfaqur disa çarje të asfaltit.
Është asambleisti i VV-së, Sokol Bylykbashi, i cili ka bërë fotografi në këtë rrugë dhe ku shihet se si rruga ka filluar të prishet.
Postimi i Sokol Bylykbashit në rrjetin social Facebook:
Ramizi si Nexhati
Kryetari i tanishëm i Drenasit, Ramiz Lladrovci me të ardhur në krye të Komunës kishte thënë se periudha e Nexhat Demaku, ku punët janë bërë ‘shkel e shko ‘ka përfunduar. Mirëpo gjendje në terren tregon që avazi i vjetër po vazhdon.
Sot vizituam lagjen Cakiqi të fshatit Tërstenik, për të parë se si është asfaltuar rruga e tyre para dy muajve. Vërejtem që asfalti ishte plasaritur dhe dukej sikur ‘petë laknori’. Pjesë të këtij asfalti mund të zhduken bashkë meborën dhe akullin në pranverën e vitit tjetër.
Gjendja e asfalltit në fjalë është dëshmia tjetër që paraja publike (taksat e qytetarëve) po këqpërdoret duke u thirrur në interesin e qytetarëve. Përgjegjësit për mungesë të cilësisë në investimet kapitale, të cilat nuk realizohen sipas kontratës dhe paramasave, janë kryetari i Komunës, drejtori i Urbanizmit dhe Organi Mbikëqyres.
Zgjedhjet lokale po afrohen, këtë mundësi nuk duhet ta lëshojnë qytetarët për ta ndëshkuar keq-qeverisjen e PDK-së. Komunën nuk mund ta drejtojnë edhe katër vite të tjera ata që e kanë zhvatur që nga paslufta.”/DrenicaPress.info
