Sekretari i Feronikelit, Arton Berisha, e ka zbuluar shumën sa paguan Prishtina për ndeshjet që luan në Drenas.
Ai tregon se klubi i Prishtinës ka marrëveshje me komunën e Drenasit.
“Prishtina ka marrëveshje me komunën. Natyrisht ka marrëveshje edhe me ne, por stadiumi është pronë e komunës. Po mundohemi që t’ia përgatisim sa më mirë fushën Prishtinës edhe pse është e vështirë pasi luajnë zakonisht një ditë pas nesh”.
“Shuma që paguan Prishtina është simbolike, 250 euro për ndeshje”.
“Ne kemi qenë të hapur edhe për Vllazninë e Pozharit. Kemi qenë të hapur pasi duhet t’i ndihmojmë klubet tjera”.
“Shpresojmë që stadiumi i Prishtinës të ndërtohet, por nëse nuk bëhet janë të mirsëardhur edhe në pranverë”, ka thënë Arton Berisha, sekretar i Feronikelit në emisionin Arena.
