Një specje e rrallë për brigjet tona i quajtur Peshkaqen Lepur është kapur mëngjesin e së premtes në afërsi të gjirit të Vlorës. Peshkaqeni i këtij lloji me peshë mbi 80 kg dhe me gjatësi 3 m klasifikohet si ndër më rrallët “Është një Peshkaqen me alternativë jo agresive por gjendet në 100-200 metra thellësi. Fakti i këtij peshkaqeni është se ka sulmuar sardhelet , po ta shikosh është kafshimi i peshkaqenit ”thotë një nga peshkatarët e zonës.
Referuar pranisë së kësaj specje në Gjirin e Vlorës, peshkatarët konfirmojnë se ato gjenden në këto ujëra për shkak të ndryshimeve klimaterike. “Kemi pas raste si vjet apo parvjet janë kapur në zonën e Himarës nga kolegët tanë të peshkimit me linja pasi rrallë bien në rrjetë.
Në gji nuk ka pasur prerje ekstreme. Në veri të Sazanit kanë kapur kolegët tanë një prerje ekzemplare që pretendohet nga më të rrezikshmit por kuptohet ka qënë në ujëra jashtë territorit të lundrueshëm.
Mishi i këtij lloji peshkaqeni nuk preferohet nga konsumatorët pasi nuk ka ndonjë shije të veçantë. Në shumicën e rasteve ai përdoret për qofte apo për tava të ndryshme.
