Dogana e Kosovës sot ka gjetur një pistoletë dhe 100 copë fishekë gjatë kontrollimit të një kamioni në Vermicë.
“Sot, në Pikën e Kalimit Kufitar në Vermicë, Njësitet Antikontrabandë në bashkëpunim me zyrtarët e shiqimit të Doganës së Kosovës kanë realizuar një kontroll të detajuar të një ngarkese komerciale dhe të kabinës së një kamioni”, thuhet në njoftimin e Doganës së Kosovës në Facebook.
“Gjatë këtij kontrolli është hasur një pistoletë e tipit 9 mm si dhe 100 copë fishekë”.
Dogana ka njoftuar se rasti i është dorëzuar Policisë së Kosovës për ta hetuar.
