Menjëherë pasi lideri i AAK-së Ramush Haradinaj ka dhënë dorëheqje nga pozita e kryeministrit, partitë politike kanë nisur të përgatiten për zgjedhje të parakohshme. Në këtë drejtim subjektet politike kanë filluar diskutimet e brendshme për koalicionet e mundshme parazgjedhore. Disa prej tyre tashmë kanë vendosur edhe vijat e kuqe, duke eliminuar çdo mundësi gare me disa prej partive që aktualisht janë pjesë e pushtetit. Derisa PSD-ja ka vendosur vijë të kuqe për PDK-në, LVV-ja, pos PDK-së, vijë të kuqe i ka vënë edhe AAK-së e Nismës.
Kalkulimet e partive kanë filluar ende pa u dhënë drita jeshile për zgjedhjet. Por para se të shkohet tek opsioni i zgjedhjeve Kushtetuta e jep edhe një mundësi tjetër për të dalë nga situata e tanishme.
- Advertisement -
