Kryetari i Partisë Demokratike të Kosovës Kadri Veseli e ka falënderuar Ferizajn, Kaçanikun dhe Hanin e Elezit për mbështetjen që këto vende po ia japin partisë së tij.
Në fushatën e cila do të zgjas 10 ditë për zgjedhjet e 11 qershorit, Kadri Veseli i ka ftuar të gjithë që t’i bashkohen programit të Fillimit të Ri dhe që së bashku fuqishëm të shkojnë drejt fitorës.
“Falemnderit, Ferizaj! Falemnderit, Kaçanik! Falemnderit, Hani i Elezit!
Së bashku, fuqishëm, drejt fitores. #FillimiRi”, është shprehur Veseli.
Kujtojmë se PDK ka arritur marrëveshje koalicioni me Aleancën për Ardhmërinë e Kosovës dhe Nismën e Fatmir Limajt.
Veseli ia ofroi postin e Kryeministrit liderit te AAK-së Ramush Haradinajt. Ky i fundit thotë se me PDK-në do të bëj ndryshimin.
