Kryetari i Partisë Demokratikë të Kosovës Kadri Veseli është duke pritur konfirmimin e aktakuzës për ministrin Besim Beqaj, për ti kërkuar më pas atij lirimin nga detyra e të parit të inovacionit.
Burime të Gazetës Blic Brenda Partisë Demokratike të Kosovës bëjnë të ditur se Veseli tashmë ka ndarë mendjen për shkarkimin e Beqajt, por se po pret konfirmimin e aktakuzës.
“Në fakt vendimi veç së është marrë, ajo çka po pret kryetari është që aktakuza të jetë e konfirmuar plotësisht, në mënyrë që mos ti hyjë në hak as ministrit” ka thënë ky burim për Blicin.
Të premten Prokuroria Speciale njoftoi se ka ngritur aktakuzë për disa persona, ndër ta edhe zyrtarë të lartë të PDK-së, për aferën “Pronto”.
Ata akuzohen për kryerjen e veprës penale Shkelja e statusit të barabartë të shtetasve dhe banorëve.
Veseli ishte deklaruar ditë më parë se po të ishte ministri i punëve të brendshme nga partia e tij, pas skandalit me turqit, ai do e shkarkonte nga detyra
“Po të ishte ministri i partisë sime do ta shkarkoja për dy minuta” kishte thënë Kadri Veseli për ish-ministrin Flamur Sefaj.
Ndërsa ditët në vijim pritet të shihet nëse Veseli do e mbajë fjalën./GazetaBlic/
