Moise Kean është futur në hsitori të kampionatit italian të shtunën pasi u bë lojtari i parë i lindur në shekullin XXI që paraqitet në një ndeshje të Serie A
Derisa Juve ishte duke fituar 3:0 kundër skuadrës së Memushajt, Pescara, Kean pati kohë të tregonte pak aftësitë e tij ku në minutat finale të ndeshjes me një lëvizje të mirë, arriti të nxjerrë një këndore për “Zonjën e Vjetër,” dhe në atë moment, kapiteni i Pescaras, Ledian Memushaj shkëmbeu ca fjalë miqësore me talentin.
“Mos e ekzagjero, je vetëm 16 vjeçar,” raportohet t’i ketë thënë mesfushori i Kombëtares shqiptare 16 vjeçarit. Ky i fundit i priti mirë këto fjalë, pasi në vazhdim ata u panë teksa u përqafuan në zonën e rrezikshme të Pescaras. /Sportali.net
