Themeluesi i kompanisë WikiLeaks, Julian Assange, është dënuar sot me 50 javë burgim.
Ky vendim erdhi nga një Gjykatë Britanike, për shkak se Jualian Assange shkeli rregullat e lirimit me kusht.
Siç shkruan BBC, australiani 47 vjeçar është shpallur fajtor për shkelje të Aktit për Lirim me Kusht, pasi arrestimit që i është bërë në Ambasadën e Ekuadorit në Londër.
Assange ka qëndruar si refugjat në këtë ambasadë nga viti 2012, për t’i ikur ekstradimit në Suedi, ku pritej të përballej me dyshimet për sulme seksuale dhe dhunime.
Ai ka mohuar vazhdimisht këto pretendime, derisa hetimet për këto raste kanë pushuar një vit më parë. Aktualisht ai përballet me akuza për komplot nga gjykata federale e Shteteve të Bashkuara, për shkak të publikimit të sekreteve qeveritare.
Britania pritet të vendosë nëse do ta ekstradojë atë në SHBA, meqë mund të dënohet me rreth 5 vjet nëse shpallet fajtor.
