Vuk Jeremiq, politikani serb dhe tani kandidati për President të Serbisë, ka thënë se Qeveria e tanishme serbe në krye me Aleksandër Vuçiq, i kanë premtuar Perëndimit se do ta njohin Kosovën si shtet të pavarur, njofton Klan Kosova.
Jeremiq nuk dha detaje të tjera rreth kësaj çështje dhe as se si e kur ka ndodhur kjo.
Por, ai më pas siguroi qytetarët se ai vet ka qëndrim të prerë kundër njohjes së Kosovës, raporton Tanjug.
Ndërsa nënkryetari i Partisë Progresiste Serbe dhe drejtori i Zyrës për Kosovën në Qeverinë e Serbisë, Marko Gjuriq, ka thënë se Jeremiq edhe njëherë po dëshmon se ai nuk është kandidat për president të Serbisë, por një njeri që provon ta përçajë vendin.
“Tani është e qartë se qëllimi i vetëm i Jeremiq për dy prill është që ta destabilizojë vendin tonë në mënyrë që të bëhet pre e lehtë për punëdhënësit e tij”, ka pohuar Gjuriq, njofton Klan Kosova.
