Kryetari i Komunës së Skenderajt, z.Bekim Jashari ka pritur sot në takim znj.Ermira Zhuri, avokate, e cila punon dhe vepron në Treviso të Italisë, dhe ish-konsullin në Vjenë, z.Imer Lladrovci, tani këshilltar në Ministrinë e Punëve të Jashtme të Republikës së Kosovës.
Pak muaj më parë është nënshkruar marrëveshje bashkëpunimi në mes të Komunës së Skenderajt dhe avokates Zhuri, për ndarjen e bursave për dy studentë të Skenderajt.
Në shenjë falënderimi dhe respekti, për këto dy bursa në vlerë prej 1,000 eurove, kryetari Jashari i ka ndarë avokates Zhuri mirënjohje, duke e falënderuar jashtëzakonisht shumë për mbështetje.
Në fund të vizitës së saj, znj.Zhuri e ka ftuar kryetarin Jashari, për të marrë pjesë në aktivitetet që do të organizohen në kuadër të Festës së Flamurit në Venecie të Italisë.
