Trajneri i Feronikelit, Klodian Duro u pengua teksa po jepte intervistën për Art Sport pas humbjes nga Arbëria.
Feronikeli ka humbur ndaj Arbërisë me rezultatin 0-1, shkruan GazetaBlic Sport.
Pas ndeshjes, trajneri i Feronikelit tha këto fjalë:
“Ça shije mund te ketë një humbje? Shijen e humbjes, bëm gjithçka për të fituar me të gjithë mundesitë, nese nuk shënon atëherë pëson. Kjo ndodhi edhe sot, nuk ka ndonjë gjë për t’u çuditur, duhet të kishim bë më teper, kemi gjithe futbollistët, kur nuk arrin të shënosh golin e epërsisë, ndodhë gjithçka”, tha fillimisht Klodian Duro.
Shef i sigurisë, Adem Bucolli në klubin e Feronikelit ndërhyri në këto momente, ku tha se Duro duhet të largohet nga klubi.
“Jam shumë i qetë, me situatën e krijume në klub, ky s’ka çka lyp këtu. Për shkak të rezultateve dhe situatës së krijume në klub, të cilat i ka krijuar ky. Sot them publikisht, ose unë, ose ky në klub”, përfundoi ai.
