Sulmuesi i Drenicës, Granit Arifaj, ka qenë cak i shumë klubeve në Kosovë, të cilat dëshironin të përforcoheshin me bomberin e Vala Superligës së Kosovës në futboll.
Komshinjët e Drenicës, KF Feronikeli kishin shprehur interesim për të, por ishte kryetarja e klubit të KF Drenicës, Mihane Kodra-Bekteshi, që ndaloi kalimin e Arifajt te kampionët, transmeton Drenicapress.info.
Bekteshi ka thënë në emisionin aportiv “Arena” se e ka pasur shumë të lehtë për mbajtur në skuadër Granit Arifaj, duke i plotësuar kushtin e vënë nga sulmuesi.
“Nuk kemi pasur probleme për ta ndalur Granitin. Personalisht kam biseduar me të dhe i kam thënë se për pare nuk ke nevojë mu largu nga Drenica. Ia kemi plotësuar kërkesat ekonomike dhe Graniti ka pranuar të qëndroj tek ne”, ka thënë Bekteshi.
Granit Arifaj renditet në vendin e dytë me 9 gola në top-listën e golashënuesve në VALA Superligën kosovare./Drenicapress.info/
