Kanë përfunduar të gjitha ndeshjet e javës së 13-të të Vala Superligës së Kosovës në futboll
Sot u zhvilluan 4 ndeshje sipas plan programit, të cilat filluan të gjitha nga ora 13:00.
Lideri, Trepça 89 u ndal me një barazim pa gola kundër Dritës së Ismet Munishit, derisa Prishtina arriti një fitore në minutat shtesë kundër Lirisë falë një goli të vonshëm të Labinot Osmanit.
Në anë tjetër djelmoshat e Batatinës gjithashtu arritën një fitore me rezultat minimal 1:0 si mysafirë të Trepçës. Golin e vetëm në këtë ndeshje e realizoi Berat Hyseni në minutën e 53-të.
Ndërkohë Ferizaji u mposht në terren të vetë nga Besa me rezultat 0:1.
Sidoqoftë, edhe pas javës së 13-të vazhdon të kryesojë Trepça 89 në tabelë, por tani me vetëm 2 pikë diferencë nga vendi i dytë ku gjendet Prishtina.
Ja rezultatet e plota dhe tabela pas javës së 13-të:
- Advertisement -
