Dy ngjarje të ndryshme kanë ndodhur mbrëmë në Komunën e Skenderajt. Derisa në fshatin Llaushë një shtëpi është përfshirë nga flaka në rrethana të panjohura, në Rezall ka ndodhur një arrestim nga organet e rendit, pasi një person shtiu me armë zjarri në një aheng familjar.
Të dy rastet janë konfirmuar nga Policia e Kosovës. Në Llaushë thuhet se Një mashkull K/Shqiptar ka raportuar se në rrethana të panjohura nga zjarri i është përfshirë shtëpia e tij. Njësit policore dhe zjarrfikësit kanë dalur në vend-ngjarje dhe kanë lokalizuar zjarrin. Përveç dëmeve materiale nuk raportohet për të lënduar.
Ndërsa rasti i Rezallës është konsideruar si armëmbajtje pa leje, Policia e Kosovës kanë arrestuar të dyshuari mashkull K/Shqiptar pasi që i njëjti gjatë një ahengu ka shtënë me armë zjarri. Te i dyshuari është gjetur dhe konfiskuar një pushkë gjuetie. Me vendim të prokurorit i dyshuari pas intervistimit është liruar në procedurë të rregullt, njofton Drenica Press.info.
