Ja sa para dërgoi mërgata në fondin e hapur nga Qeveria Kurti

Ministrja e Financave, Hykmete Bajrami në seancën e sotme të Kuvendit ka folur për fondet e dërguara nga mërgata në Kosovë si ndihmë për luftimin e koronavirusit.

Bajrami ka bërë të ditur se deri tani janë mbledhur 722 mijë e 164 euro në këtë fond.

Ajo tha se 671 mijë euro nga kjo shumë kanë ardhur nga jashtë Kosovës.

Disa nga shtetet prej nga kanë ardhur këto fonde janë Zvicra, Gjermania, Shqipëria, SHBA-të, Suedia, Britania e Madhe dhe shtete tjera, bëri të ditur Bajrami.