Nga 15 nëntori duhet t’i vendosni gomat e dimrit.
Afati ligjor për ndërrimin e gomave të verës me ato të dimrit në Kosovë është 15 nëntori dhe duhet të mbahen deri më 15 mars.
Por nga ekspertët e komunikacionit, ndërrimi i gomave duhet të bëhet menjëherë pasi temperaturat do të bien nën 7 gradë. Kështu, ato do të kenë një fërkim më të mirë në rrugë e po ashtu edhe frenim më të shpejtë, transmeton Koha.net.
Disa preferojnë t’i ndërrojnë gomat e verës me ato të dimrit edhe më herët se që është afati ligjor. Por mos ndërrimi i tyre mund të jetë i rrezikshëm si për personat në atë veturë ashtu edhe për pjesëmarrësit e tjerë në komunikacion.
Përveç ndërrimit të gomave, shoferët janë të detyruar me ligje që të jenë të pajisur edhe me zinxhirë, gjatë gjithë kohës së lartë cekur.
Për mosrespektim të afatit për ndërrim të gomave apo mungesës së zinxhirëve, shoferët gjobiten nga Policia e Kosovës.
Gomat e sotme të dimrit jo vetëm që janë të dizajnuara për të perfomuar mirë në borë por ato performojnë mirë edhe në asfalt të ftohtë apo të lagësht.
