Jo vetëm mediat vendore po i kushtojnë vëmendje atmosferës në Shkodër, pasi këtë po e bëjnë edhe mediat e Islandës
Ato i kanë kushtuar shumë vëmendje atmosferës që po mbretëron në mes të dy tifozërive, para ndeshjes në mes të Kosovës dhe Islandës.
“Janë rreth 20-30 tifozë që kanë ardhur nga Islanda, që gjenden sot në qytetin e Shkodrës”, shkruan visir.is.
“Është kënaqësi e madhe, nuk e kuptoj pse nuk ka më shumë islandezë këtu” thotë Gunnar Birgisson, një tifoz i ardhur nga Amerika.
Portali ‘Visir’ shkruan se atmosfera në qytet është shumë e mirë dhe miqësore ku nuk mungojnë festimet e përbashkëta.
Kujtojmë se ndeshja ndërmjet Kosovës dhe Islandës do të zhvillohet nga ora 20:45. /Express/
