Një 45 vjeçar shqiptar është ekzekutuar me armë zjarri në Itali. Petrit Nikolli me profesion zejtar e rezident prej disa kohësh në Itali është vrarë gjatë natës në qytetin e Riminit.
Shqiptari është qëlluar me pistoletë rreth orës 23.00 në komunën Rivabella, në provincën e Riminit, përballë restorantit “Cavalieri spiaggia” .
Mediat lokale italiane informojnë se në momentin e ngjarjes shqiptari po grindej me disa persona të tjerë, me shumë gjasa shtetas shqiptarë. Pasi e kanë qëlluar për vdekje autorët e vrasjes janë larguar me shpejtësi në drejtim të paditur.
Shqiptar Petrit Nikolli është baba i 3 fëmijëve dhe është në pritje të fëmijës së katërt. Bashkëshortja e tij ka mbërritur menjëherë në vendngjarje, duke e gjetur në rrugë trupin e pajetë të bashkëshortit të saj.
Policia italiane po heton për zbardhjen e plotë të ngjarjes.
