Bërtiste natën dhe ishte i bindur se edhe dikush është në shtratin e tij!
Krimineli i rryer Al Capone nuk është frikuar nga askush dhe nga asgjë, përveç botës së të vdekurve. Tingëllon pabesueshëm, por ditët e fundit të jetës i ka kaluar në tmerr për shkak të shpirtit me emrin Jimmy, transmeton gazetametro.net.
Të përkujtojmë disa detaje nga jeta e tij. Është rritur në Bruklin, si njëri prej nëntë fëmijëve. Në moshën 14 vjeçe, ishte përjashtuar nga shkolla sepse e kishte goditur arsimtarin në fytyrë. Pas kësaj iu bashkëngjit bandave të rrugëve. Ky ishte fillimi i një karriere të madhe mafioze.
Në momentin e vdekjes, Capone kishte rreth 100 milionë dollarë të cilat i kishte mbledhur me reket, zhvatje, bixhoz dhe me veprimet tjera kriminale.
Masakra e cila u krye në ditën e Shën Valentinit në vitin 1929 më së shumti lidhet me emrin e tij. Njëri nga njerëzit të vrarë atë ditë ishte edhe James Jimmy Clark. Nuk ka shumë informata për këtë njeri, por dihet se ishte kriminel i rangut të ulët i cili punonte për mafiozin Bugsy Siegel. Përndryshe, në këtë masakër janë vrarë shtatë njerëz të Bugsy’t, edhe pse Capone kurrë nuk është dënuar për këtë, ishte e qartë se ai i ka urdhëruar këto vrasje.
Kur ishte Capone në burg në Filadelfi, qelinë e kishte të pajisur mirë dhe shumë të rehatshme, por ai ishte i bindur se gjithmonë është dikush afër tij në shtrat. Të burgosurit tjerë dëgjonin se si natën bërtiste madje edhe që bisedonte me dikë.
Kur u lirua, mendoi se Jimmy e kishte lënë rahat. Mirëpo, ai gjithmonë e kishte përcjellë kudo. Capone kërkoi ndihmë nga parashikuesit, por kot. U bë aq paranoik saqë truprojat shpesh vraponin në dhomën e tij duke menduar se dikush e ka sulmuar. Në vend të kësaj, e gjenin vetëm dhe të frikësuar deri në palcë.
Pas një kohe, u dënua sepse nuk kishte paguar tatim dhe përfundoi në Alkatraz. Tashmë veç vuante nga sifilizi. Sjelljen e kishte tejet bizare, kështu që u lirua për të sjelljes së mirë.
Vdiq në vitin 1947 kur ishte 48 vjeç. Nuk është e njohur athua vërtet e ka ndjekur Jimmy apo gjithë kjo ishte pasojë e çmendurisë për shkak të sifilizit.
Duke marrë parasysh se Capone vërtet mendonte se është i mallkuar, duket se Jimmy vërtet arriti të hakmerret.
