Në rrjetet sociale po qarkullon me shpejtësi lajmi se Eda Likaj mund të bëhet pjesë e shtëpisë së “Big Brother VIP Albania”, shkruan IndeksOnline.
Zërat nisën pasi ish-partnerja e Mateos nga “Përputhen” publikoi një InstaStory ku shfaqej me valixhe të përgatitur, duke lënë të kuptohet se mund të jetë drejt një aventure të re. Ky detaj ka mjaftuar që ndjekësit të shpërthejnë në aludime për një hyrje të mundshme të saj në reality show.
Një lëvizje e tillë pritet të trazojë jo pak dinamikat brenda shtëpisë, sidomos në këtë fazë kur Mateo është parë gjithnjë e më i afërt me Brikenën.
Megjithatë, deri më tani nuk ka një konfirmim zyrtar. Mbetet për t’u parë nëse Eda do të surprizojë publikun duke u bërë pjesë e BBVA-së apo gjithçka mbetet në kuadër të spekulimeve.
