Ish-kryediplomati Petrit Selimi ka thënë se kriza për punëtorë do të thellohet më shumë në Kosovë dhe se sipas tij pas disa vjetësh Kosova do të kërkojë punëtorë të huaj.
Selimi thotë se arsyeja për këtë është largimi në masë të madhe i të rinjve nga vendi.
Ai më tej tha se tregu i punës do të jetë problemi numër një në shumë industri Ballkanike të cilët do të pëballën me këtë në një të ardhme të afërt.
“Edhe Kosova do të duhet të hapë dyert për punëtorët e huaj në 3-5 vjetët e ardhshme për të adresuar mungesën në rritje të fuqisë punëtore. Sfidat e tregut të punës po bëhen me shpejtësi problemi numër një për një mori industrish në Ballkan”, ka shkruar Selimi në Twitter, krahas shpërndarjes së një artikulli nga Bloomberg që thotë se Spanja po hap dyert për punëtorët e huaj për të rregulluar mungesën e fuqisë punëtore dhe për të lehtësuar një rënie demografike që kërcënon prosperitetin e saj në të ardhmen.
Even Kosovo will have to open doors to foreign workers in the next 3-5 years to address increasing labor shortages. Labor market challenges rapidly becoming number one issue for a host of industries in Balkans. https://t.co/FFd00d1Wc4
— Petrit Selimi (@Petrit) August 11, 2022
