Ish-futbollisti i Kombëtares së Zvicrës, Benjamin Huggel, ka dalë në mbrojtje të Granit Xhakës pas polemikave të fundit rreth certifikatës së vaksinimit ndaj COVID-19.
Huggel ka thënë se Xhaka duhet të vazhdojë të jetë kapiten i Zvicrës, nëse çështja nuk sjell pasoja të tjera juridike apo sportive.
“Kapiteni caktohet nga skuadra dhe trajneri, jo nga opinioni publik. Nëse Murat Yakin dhe këshilli i skuadrës arrijnë në përfundimin se Xhaka duhet të vazhdojë të jetë kapiten, nuk shoh asgjë që ta pengojë këtë”, ka deklaruar Huggel për “Neue Zürcher Zeitung”.
