Inter zyrtarizon Djed Spence, kontratë deri në vitin 2031
Inter ka zyrtarizuar transferimin e Djed Spence nga Tottenham Hotspur, duke kompletuar kështu një tjetër përforcim të rëndësishëm për repartin e krahut.
Mungonte vetëm njoftimi zyrtar, i cili erdhi në prag të miqësores që zikaltërit do ta zhvillojnë në Bari kundër Real Betis.
Spence kishte kryer një ditë më parë testet mjekësore, ndërsa më pas firmosi kontratën me klubin italian.
Njoftimi i Interit
Në komunikatën zyrtare, Inter konfirmoi se futbollisti anglez i lindur në vitin 2000 është transferuar nga Tottenham në mënyrë përfundimtare dhe ka firmosur kontratë deri më 30 qershor 2031.
Klubi zikaltër e përshkroi Spence si një lojtar që dallohet për fizikun e fuqishëm, cilësitë teknike, shpejtësinë dhe aftësinë për të fituar duelet një kundër një.
Ai konsiderohet një futbollist dinamik dhe agresiv në fazën sulmuese, por njëkohësisht i aftë të rikuperojë shpejt pozicionin dhe të kontribuojë në mbrojtje.
Inter veçoi gjithashtu qetësinë dhe maturinë e lojtarit në vendimmarrje, duke nënvizuar aftësinë e tij për të zgjedhur momentin e duhur si për të sulmuar kundërshtarin, ashtu edhe për të ndërhyrë në fazën defensive.
Un vero gentleman entra in famiglia 🫡
Benvenuto, Spence 🖤💙👉 https://t.co/QcyAqX4ENO pic.twitter.com/BAoEE4ANDX
— Inter ⭐⭐ (@Inter) August 15, 2026
Lexo edheTifozët e Manchester United kritikojnë Luke Shaw pas humbjes ndaj Milanit: “Nuk mund t’i besohet më”
30 milionë euro plus bonuse
Inter dhe Tottenham kanë arritur marrëveshje për një transferim të përhershëm me vlerë 30 milionë euro, ndërsa marrëveshja përfshin edhe 5 milionë euro bonuse.
Tottenham ka ruajtur gjithashtu të drejtën për të përfituar 10 për qind nga një shitje e ardhshme e futbollistit.
Spence ka firmosur kontratë pesëvjeçare me një pagë prej rreth 3 milionë euro neto në sezon, plus bonuse.
Spence pritet të mbajë fanellën me numrin 24
Mbrojtësi i krahut pritet të zgjedhë fanellën me numrin 24.
Ky numër kishte mbetur i lirë pas largimit të André Onana-s, ndërsa më herët ishte mbajtur edhe nga një tjetër ish-lojtar i Tottenhamit që veshi fanellën e Interit, Christian Eriksen.
Me afrimin e Spence, Inter fiton një alternativë të re për krahët, me një lojtar që mund të kontribuojë në të dyja fazat e lojës dhe që sjell shpejtësi, fuqi fizike dhe eksperiencë nga futbolli anglez. /GazetaExpress/
