Insituti Kombëtar i Shëndëtësisë Publike të Kosovës ka publikuar një fotografi në faqën e saj zyrtare në “Facebook” në të cilën shihen të grumbulluar disa persona afër njëri-tjetrit, transmeton “Zeri.info”.
IKSHPK-ja ka shkruar se kjo situatë është e patolerueshme, kështu duke kërkuar të mbajnë distancën dhe maskat sepse virusi ende gjendet në mesin tonë.
“Kjo situatë si në foto është e pa tolerueshme. Mbrëmë detektuam një rast pozitiv në Prishtinë. Ky rast nuk është për tu festuar, por për tu brengosur. Kështu ka filluar më 13 mars. Një rast i vetëm ishte në Stubëll, Klinë, Malishevë, Dumnicë, Wuhan dhe Codongo”, ka thënë IKSHPK.
Tutje, IKSHPK u bën thirrje qytetarëve që të respektojnë masat e qeverisë.
“Vazhdoni të mbani distancën fizike dhe mbajtjen e maskave. Virusi akoma gjendet në mesin tonë.Lehtësimi i lëvizjes nuk nënkupton mosrespektimin e rekomandimeve të Institutit Kombëtar dhe Ministrisë së Shëndetësisë. Lehtësimi i masave është bërë për të na bërë më të përgjegjshëm. Sakrificën tonë për të ruajtur shëndetin ta konsiderojmë si vlerë sublime duke vazhduar me mbajtjen e distancës fizike dhe mbajtjen e maskave në vendet publike. Ju lutemi për kujdes të shtuar deri në shuarjen e plotë të COVID-19”, ka thënë IKSHPK.
