Kreu i Lipjanit dhe kandidati për kryetar, Imri Ahmeti, ka vizituar sot Shkollën e Futbollit “Lipjani 01”.
Ahmeti ka thënë se qeverisja e LDK-së do të vazhdoje me përkrahje, përveç palestrës edhe me stadiume dhe fusha të vogla dhe me rritjen e subvencioneve për sportistët lipjanas.
Postimi i plotë:
Sot në mëngjes vizitova Shkollën e Futbollit “Lipjani 01”. Ishte kënaqësi e veçantë të shoh fëmijët duke ushtruar me pasion dhe duke ndjekur ëndrrat e tyre sportive.
Sporti është forcë, disiplinë dhe shpresë për të ardhmen. Për këtë arsye kemi investuar vazhdimisht në infrastrukturën sportive dhe do të vazhdojmë ta bëjmë këtë.
Përgëzoj menaxhmentin e Klubut Futbollistik “Lipjani 01” për sukseset e arritura. Ne do të jemi gjithmonë në mbështetje të sportistëve tanë.
Përveç palestrës sportive në Lipjan, stadioneve dhe fushave të vogla sportive, do të vazhdojmë edhe me rritjen e subvencioneve për sportistët lipjanas.
