Mbeturinat që po hidhen afër xhamisë së Skenderajt janë bërë një problem i madh për xhematlinjtë e kësaj xhamie, pasi përveç erës kundërmuese aty po mblidhen edhe qenë endacak duke u ndjerë në rrezik qytetarët që kalojnë pranë, e sidomos ata që marrin rrugën për të shkuar në xhami, transmeton Drenica Press
Kështu gjatë ditës së sotme Imami dhe ligjeruesi i Xhamisë se Skenderajt Hoxhë Bedri Syla sot në ligjeraten e xhumasë u bëri thirrje Komunës se Skenderajt – gjegjësisht Kompanisë përgjegjëse për mbeturina që të largojnë mbeturinat që ndodhën afër xhamisë dhe kontinjerëve t’ju bëjnë nje vend larg hyrjes së xhamisë. Hoxha kërkoj që ky vend të ndërrohet pasi aty ku janë po kundermojnë erëra të neveritshmë dhe njëherit njerëzit janë në rrezik potencial të marrin ndonjë epidemi.
Hoxhë Bedri Syla kërkoj që komuna të gjej ndonjë vend më të përshtatshëm për hedhjen e mbeturinave, sepse përveç erërava kundërmuese, afër xhamisë po grumbullohen edhe qenë endacak të cilët po rrezikojnë jetën e qytetarëve, sidomos në kohën e namazit të sabahut./drenicapress/
