Fëmijëve të familjes Jashari, u është kushtuar edhe një këngë.
Kësaj radhe forcat i kanë bashkuar babë e bir, të cilët edhe në të kaluarën kanë bashkuar forcat për një këngë.
Bëhet fjalë për këngëtarin Ilir Shaqirin dhe të birin, Korabin që kanë nderuar edhe një herë rënien heroike të familjes së komandantit legjendar Adem Jasharit në vitin 1999.
“Ata u bënë dritë”, titullohet kënga e re e dyshes shqiptare, që e kanë shoqëruar me një videoklip mjaft domethënës.
“Kushtuar fëmijëve të familjes Jashari të rënë heroikisht në betejën e Prekazit, mars 1998”, ka shkruar në llogarinë personale të Facebookut, Iliri.
Në prapavijën e videos gjatë mbrëmjes shfaqen edhe emrat e të rënëve në natën tragjike të familjes shqiptare.
Ndryshe, Korabi është duke punuar në projekte të reja muzikore, të cilat do t’i sjell gjatë muajve në vijim.
