Grindja dhe mosmarrëveshja që kishte ndodhur për shkak të një frizure të një djali të vogël te një berber, rezultoi me të shtëna armësh, ka njoftuar policia amerikane.
Dëshmitarët okularë kanë bërë të ditur se te berberi në Houston të Teksasit, kishte pasur mosmarrëveshje dhe grindje rreth asaj se si berberi ia kishte prerë flokët djalit të një burri, transmeton Telegrafi.
I pakënaqur me frizurën që ia kishte bërë, ai kishte shkrepur tre plumba në drejtim të berberit dhe ishte larguar nga vendi i ngjarjes me veturë.
Por, policia amerikane ka bërë të ditur se është vënë pas sulmuesit, kurse berberi i plagosur është dërguar me urgjencë në spital, ku pas tretmanit gjendja e tij shëndetësore është stabilizuar. /Telegrafi/
- Advertisement -
