I ftuari nga Specialja thotë se në kohën e luftës ishte vetëm 8 vjeç

Gjykata Speciale ka ftuar për intervistim Rilind Berishën, zyrtar të Ministrisë së Drejtësisë.

Ndryshe nga ftesat e kaluara, kjo e sotshme duket më e “çuditshme” pasi është ftuar një person që në luftë ishte tepër i ri.
Berisha ka konfirmuar për “Indeksonline” se gjatë luftës kishte vetëm 8 vjet. Po ashtu, ai tregoi se në intervistë do të shkojë të hënën, kurse arsyet e kësaj thirrje ende nuk dihen.

Ndërsa për këtë ftesë ka reaguar edhe Hysni Gucati i OVL-UCK.

“Ne nuk kemi pranuar një informatë se personi në fjalë ka pranuar një ftesë të tillë. Ndërsa nga Gjykata Speciale mund të presim gjithçka, vetë e kemi themelu dhe gjithçka mund të presim prej saj. Ajo ka thirrë edhe civil në intervistë dhe jo vetëm ish-ushtarë të UÇK-së”, është shprehur ai.