Të paktën 30 mbetën të plagosur, mes tyre edhe një fëmijë dyvjeçar i shtruar në spital në gjendje shumë kritike për jetën kur një makinë hyri mes turmës së njerëzve ditën e djeshme në Mynih.
Mësohet se i dyshuari, një 24-vjeçar azilkërkues afgan, u arrestua dhe në rrjetet sociale është shpërndarë foto e tij.
Sipas ministrit të Brendshëm bavarez Joachim Herrmann , 24-vjeçari kishte aplikuar më parë për azil.
Në të kaluarën, ai kishte pasur probleme me autoritetet për vjedhje të vogla dhe përdorim të drogës, ndërsa punonte në një shërbim sigurie dhe në kohën e tij të lirë merrte pjesë në garat e bodybuilding.
⚠️A 26-year-old Afghan migrant, Farhad N., drove a car into a crowd in Munich, killing one woman and injuring at least 27 others, including a child in critical condition.
Farhad, who arrived in Germany from Kabul in 2016 and had his asylum application rejected, was granted a… pic.twitter.com/ZCwSbRPNzd
— Saikiran Kannan | 赛基兰坎南 (@saikirankannan) February 14, 2025
Sipas Agjencisë Gjermane të Lajmeve (dpa), afgani kishte mbërritur në Gjermani në vitin 2016 si i mitur i pashoqëruar nëpërmjet Italisë, ndërsa kërkesa e tij për azil ishte refuzuar në shtator 2017. Ai ka apeluar vendimin e refuzimit në gjykatat gjermane, pa sukses.
Megjithatë, thuhet se ai ka marrë të leje tolerance nga Zyra Federale Gjermane për Migracionin dhe Refugjatët, që do të thotë se dëbimi i tij është pezulluar deri në vitin 2023, në atë moment ai ka marrë një leje qëndrimi dhe pune deri në prill 2025./Indeksonline/
