Nga një aksident komunikacioni i ndodhur mbrëm në Fushë-Kosovë, ka humbur jetën Heroina Haliti-Aliu, shkruan Drenica Press.
Sipas njoftimit të familjarëve të ndjerës, varrimi i Heroinës do të bëhet në fshatin Likoc në ora 19:00 përcjellë Drenica Press.
Lidhur me këtë lajm tragjik ka reaguar edhe Kryetari i Skenderajt, Fadil Nura, i cili ka shprehur ngushëllime në emër të Komunës së Skenderajt.
Nura tha se “Të nderuara familje Haliti dhe Aliu,
Mëngjesi i sotëm nuk zbardhi si ditë tjera, ndërsa solli trishtim nga vdekja aq e papritur e bijës, përkatësisht nuses suaj.
Heshtja sot zë vendin e fjalëve dhe nëpërmjet saj shprehet dhembja që ndjejmë për vdekjen e bashkëvendëses sonë, Heroinë Haliti – Aliu, që Zoti, para se ta merrte në paqen e tij, i dhuroi emrin më hyjnor – NËNË!
Në këto momente të rënda që po përjetoni, bashkëndjejmë dhembjen tuaj të madhe dhe në nderim të pikëllimit, shprehim ngushëllimet tona, duke u lutur të gjeni forcën për të përballuar këtë trishtim!/DRENICAPRESS/
