Ish-deputeti i PDK-së, Enver Hoxhaj, ka treguar për dëmet që ia ka shkaktuar Kosovës kryeministri në detyrë Albin Kurti.
Ai ka bërë me dije se në procesin e dialogut me Serbinë, Kurti ka pranuar tri dokumente të cilat në thelb e kanë dëmtuar fuqishëm pozitën ndërkombëtare të Kosovës.
Në profilin e tij në “Facebook”, Hoxhaj ka postuar një video ku flet për këto dokumente.
“Ne kemi pasur procesi politike në këtë vend, ku e dimë kush e ka shkru Rambujenë, ku e dimë kush e ka shkruar Ahtisarin, ku e dimë kush e ka shkruar marrëveshjen e Prillit. Por, opinioni publik nuk e di emrin e dy-tre ekspertëve të cilën e kanë draftuar marrëveshjen e Brukselit dhe ankesin e Ohrit. A e ka shkruar Friedrich-Ebert-Stiftung, apo e ka shkru dikush tjetër, cila ka qenë ekipa që e ka shkrua?”, ka thënë Hoxhaj.
Ai ka bërë me dije se Marrëveshja e Brukselit, Aneksi i Ohrit dhe draftin i Asociacionit për Komunat për me Shumicë Serbe e kanë dëmtuar pozitën e Kosovës.
“Çka folët aty? Folët për tri dokumente të cilat në thelb e kanë dëmtuar fuqishëm pozitën ndërkombëtare të Kosovës”, është shprehur ai, duke dhënë detaje tjera.
“Nuk ka ndodh as në kohë lufte, nuk ka ndodhur as në kohë të okupimit, nuk ka ndodhur as në kohen e administrimit ndërkombëtar, nuk ka ndodhur as në kohen e pas pavaresisë së Kosovës, që shteti i Kosovës, që Qeveria e Kosovës, që klasa politike në Kosovës të pranon një dokument pa e ditur kush është autori, pa pas rol, pa pas pronësi”, ka thënë Hoxhaj.
